Jak dalek moga sygnąc pamiacą, nigde jem nie chca robic w roboce, w jaczi jo be musza dlo jinszech kawa robic. Ne ceż. W żecim układo sa rozmajice. Terozka móm pod swoją opieką dwa wieldżi automate kawowi. Musza wiedno zdrzec cze je kawa i smietana nafulowano i dwa raze na tidzeń na zmiana z drechama muszima całi ten automat umec.

Równak cesza sa, że nie musza, jak czile mojich dreszków robic kawe dlo przednika e mec szklónków po jinszech. Na szczesce  naszo firma je cywilizowano i okróm kawomatów móme też zmiwarka do statków.

Cze tak je na gwes? Cze to, że cos dobrego sa skunczeło oznoczo, że tero ju mdze lecho? A może to co jesma uwożale za dobri po prowdze beło dlo naji leche?

Tak cze jinak skuńczełe sa dobri czase nicknierobienio, bo nalazła jem robota.  Robota nie je ani dobro, ani lecho. Je. Co dzyń reno zwlekóm sa z wera,  automaticzno sa oblekóm i jida. W busu e w banie wiedno je rzma ledzy, tede nie da sa nawetka ksążczi odemknąc. Po trzech dniach taczego scysniatego jeżdżeniu zajinwestowa jem w carda microSD i tero ju nie czetóm ksążków le słechóm. Cekawo sprawa. Osoblewie czede czetóm-słechóm  ksążka z wątkama taczimi kusk hmmm eroticznima, np. “Lektora” Bernharda Schlinka. Wiedno mie sa zdowo, ze wszetce w kół czeją to co jo. Na gwes nie ma nick lechego w belno opisanech miłotnech scenach. Równak czede je tak czeja w busu cze w banie zdowo mie sa jak be to jo sa rozeblekala na oczach tech wszetczich ledzy.

Twarz

Jak kazda

Inna

Oczy

Osadzone

Zbyt blisko

Ust

Poniżej środka

Nos

Całkiem niezły

Podbródek

Jô ju terô wiém jak wëzdrzi białô tuberoza.

Ju dôwno jem nie mia sztótów na rozmeszlanie. Ë to nawetka nie z felënku czasu.  Dosc wiele sã dzejało slednym czasã. Na szczescé sómëch dobrich rzeczów. Ju nie pamiãtóm cziéde jem bëła w lese… A nawetka na czerwiónym widze nie rozmeszliwóm…

Jedno je gwesny: rozmëszlanié je na tëli wôżne w żëcym, ze nié może bëc tak, że gò nié mô.

Jak długo Ce nié ma

Ju ùsedzec nié mògã

Chòdzã òd jednégò òkna do drëdżégò

Żdajã

Czëjã kroczi na trapach,

Zrywóm sã  ë biegnã

A to blós sąsód szedł

Żdajã

Nié mògã so môlu nôlezc

Łażã z nórtu w nórt

Co do rãczi wezmã, kłôdã nazôd

Żdajã

Telefón zwòni – zôs biegnã

Pòdnoszã do ùcha

- To leno wastnô z jaczié promocëji,

Żdajã

Zédzer jidze niemòżlëwie wòlno a głosno

Kù reszce szmërgóm w niégò pòdëszką

Chtërën spôdô z wiôldżim rëjbachã na zemiã

Ë wchôdôsz Të z ùsmiéwkã na gãbie

ë pëtôsz cëż sã stało

A jô cëskóm sã na Ce

Ë kszkóm

Takô jem stesknionô!

Dôch to ju je trzë gòdzënë jak Ce nié mô…

Mògã wszëtkò,

górë przenoszëc

chòdzëc pò wòdze

Nót je leno ùwierzëc

Mògã spiéwac, krziczec, płakac

jeżle blós chcã

Abò nôlezc swój môl w swiece

Mògã wszëtkò

Le sã bòjã

Mëszlã, że nie je wôrto

Abò, że mdze za cãżkò

Mògã wszëtkò…

Górë przënoszec

ë chòdzec pò wòdze

Nót je leno ùwierzëc

Za te wszëtczié rzeczë:

sznëptuchë na zemi,

bùtë pòd stołã,

ruchna w nórce,

łóżkò nieschòwónë,

papiórë rozgrzebónë,

taska óstawionô,

antikòncepcyjny kòszle,

sterczący klatë,

ë za felenk czasu,

Twòji “mądri radë”

Za to Cã lubiã…

Czasã Twòji òcze

Miast zymkòwò zelenic

Są taczié zemny i dzywny…

W chòrich gôdkach-

Òczë zdrzą w jinszą stronã

Zdrzą leno gdze bë sã schòwac

Twòji remniona-

Nie grużący sã kùch

Nie pôchną ferfenmencowim smarã

Jô w Twòjich remnionach-

Niejawerny dizonans

Deszcz szczescô

Szos nad przëpadnią…

Szeptã na ùchò rzekã, że

Że jô, jô sã tégò wërzékóm

Tëch rénków jak febra

Pòd òknã Twòjim czéj skamżoch

Sedzôł jem za bómą nie rôz…

Tëch gwiôzd spôdającëch

Pijanych gwiôzd na smiot

Òb noc czej bãdã ùmierac

Szeptã na ùchò rzekã, że

Że jô, jô sã tégò wërzékóm

Wërzékóm, bò…

Nicht tak piãkno nie gôdôł,

Że sã bòji miłotë…

Nicht tak piãkno nie gôdôł,

Że sã bòji miłotë… Blós Të

Niżle grzëmòt ùderzë i tãga

Przeńdą bez żôlów mòst

Niżle dzyń stąd òdlecy na blómie…

Niżle groszk i rozë,

Kùszną sã znowù bez płot,

Nizle pich zamiece pòdwòrzé…

Szeptã na ùchò rzekã, że

że jô, jô sã tégò wërzékôm

wërzékôm, bò…

Nicht tak piãkno nie gôdôł,

Że sã bòji miłotë…

Nicht tak piãkno nie gôdôł,

Że sã bòji miłotë… Blós Të

Ùgrupòwanié amidowé mòżna bez jiwru dostac na dardze syntezë…